2750 hits

Sindicatos e cooperativas agrarias  veñen de convocar unha nova concentración á que xa se sumou o Concello de Melide, e que está prevista para as 12h do venres 8 de maio, no Cantón de San Roque.
O Concello de Melide prestou a súa colaboración directa ás entidades convocantes encargándose da difusión da convocatoria. Por outra parte, tamén se editou un bando municipal no que se convida á veciñanza a “participar masivamente nesta concentración, que porá voz non só ao sector gandeiro da Terra de Melide, senón a todo un sistema económico cuxa viabilidade está en xogo”.


Dende o equipo de goberno de Melide agárdase que a resposta a esta segunda concentración de apoio ao sector leiteiro sexa “exemplar como o foi a do día 16”, segundo palabras da alcaldesa, Socorro Cea, xa que amais das persoas que se desprazaron á manifestación a Madrid, “máis do 90% dos comercios secundaron o peche proposto entre as 12 e as 13 horas, paralizando a actividade comercial da vila en solidariedade co triste momento que está a vivir o noso agro”.

Fonte boletín concello de Melide.